ກ່ຽວກັບບໍລິສັດ

ບໍລິສັດ ຊີບີເອຟ ຟາຣມາ ຈຳກັດ ແມ່ນບໍລິສັດທີ່ໄດ້ດຳເນີນການຜະລິດ ແລະ ປຸງແຕ່ງຢາປົວພະຍາດ,ນຳເຂົ້າ-ສົ່ງອອກຢາປົວພະຍາດ, ວັດຖຸເປັນຢາ ແລະ ເຄມີ ທີ່ທັນສະໄໝ ແລະ ໄດ້ມາດຕະຖານ.

ດ້ວຍຄວາມມຸ່ງໝັ້ນໃນການມີສ່ວນຮ່ວມເພື່ອພັດທະນາເສດຖະກິດຂອງຊາດ-ສັງຄົມໂດຍສະເພາະແມ່ນການສົ່ງເສີມປະຊາຊົນໃຫ້ມີສຸຂະພາບທີ່ດີໄດ້ເຂົ້າເຖິງ ແລະ ນຳໃຊ້ຢາປົວພະຍາດ ແລະ ຜະລິດຕະພັນການແພດທີ່ມີຄຸນນະພາບ, ບໍລິສັດ ຊີບີເອຟ ຟາຣມາ ຈໍາກັດ ຈຶ່ງໄດ້ຮັບການສ້າງຕັ້ງຂື້ນພາຍໃຕ້ກົດໝາຍຂອງ ສ.ປ.ປ ລາວ ແລະ ໄດ້ເລິ່ມຕົ້ນດໍາເນີນອຸດສະຫະກໍາການຜະລິດ ແລະ ການຄ້າໃນວັນທີ 1 ເດືອນ ມັງກອນ ປີ 1995. ໂດຍມີວັດຖຸປະສົງເພື່ອພັດທະນາ ແລະ ສົ່ງເສີມອຸດສະຫະກໍາຜະລິດຢາປົວພະຍາດພາຍໃນປະເທດ, ພັດທະນາການສະໜອງຢາປົວພະຍາດ ແລະ ຜະລິດຕະພັນການແພດໃຫ້ໄດ້ມາດຕະຖານສາກົນ.

31 ປີຜ່ານມາ ບໍລິສັດ ຊີບີເອຟ ຟາຣມາ ຈໍາກັດ ໄດ້ເຕີບໃຫຍ່ຂະຫຍາຍຕົວມາເປັນຂັ້ນໆນັບຈາກການຜະລິດຂະໜາດນ້ອຍກ້າວຂຶ້ນຂະໜາດກາງຫາໃຫຍ່, ນຳໃຊ້ເຕັກໂນໂລຢີທັນສະໄໝ, ໂຮງງານຜະລິດຢາຊີບີເອຟ ໄດ້ດຳເນີນການຜະລິດຢາປົວພະຍາດຕາມຫຼັກການຜະລິດຢາທີ່ດີ GMP, ມີຫ້ອງວິໄຈທີ່ມີມາດຕະຖານ GLP, ມີລະບົບບໍລິຫານຄຸ້ມຄອງທີ່ມີຄຸນນະພາບຕາມມາດຕະຖານ ISO 9001:2015, ISO LAB 17025:2017 ມີພະນັກງານ-ກໍາມະກອນທີ່ມີທັກສະ, ມີປະສົບການ, ມີຄວາມຊໍານານງານ ຈຶ່ງເຮັດໃຫ້ການດໍາເນີນການຜະລິດ-ທຸລະກິດຢາປົວພະຍາດ ແລະ ຜະລິດຕະພັນການແພດຂອງບໍລິສັດ ຊີບີເອຟ ໄດ້ກ້າວຂຶ້ນສູ່ລະດັບຊັ້ນນໍາຂອງ ສປປ ລາວ.